Tekst gwarowy — Wilcza 1

Informator: Paweł Nowak, urodzony w Wilczy w 1930 roku. Skończył dwie klasy szkoły podstawowej, pracował w kopalni przy naprawie maszyn. Matka pana Pawła pochodziła z Zabrza, ojciec urodził się w Essen Borberg.

Materiał zebrany przez: Wojciecha Lenartowicza, Agnieszkę Komorowską i Monikę Kuśmirek.

Zapis i opracowanie: Monika Kresa. Weryfikacja: Halina Karaś.

Informacja: jeśli nie możesz odsłuchać nagrania, skorzystaj ze wsparcia znajdującego się na stronie Adobe)

No wedug, według opowieści, że kiedyś tu Wilcza^o była otoczo^uno lasami, zresztom jeszcze jest mie^yndzy lasami i tu było bardzo dużo wilków i sto^und wzięła się nazwa Wilcza. I herb to jest pół wilka, no taki taki herb wymyślili tu, że jes pół wilka.

Ja, to jest tak. Wilczo, jag jeszcze w czasie wojny, jag Niemce prziszli to Niemce powiadali, że Wilczo jest wioskom, po niemiecku to powiadali, że to jest „ajn rajendorf’, że to jest w rze^yndzie, przy drodze główne^yj som chałpy, a za chałpami pola, bo tag jes. Tak teraz ni mo, nazwa ulica Główna to som domy, teraz już się dużo do^umów rozbudowało, bo te boczne dro^użki to były zopłocia, no i to przi tych zopłociach już som pobudowane do^umy, bo sie to rozrosto, na kojncu, tu jest prawie już ko^uniec wsi i kaj stoi ten zómek, nie? Tu miyszkoł właściciel ziemski, mioł dwór, jedyn dwór, a na drugim kóńcu wsi był drugi dwór, także to byli dwaj panowie, przed wojno. Te^yn, co tu miyszkoł, nazywoł się Grzónka, był, on był, był Polokie^ym, a tyn drugi, na drugim końcu sie nazywoł Kowacz, ten zajś był Nie^ymiec, i ci gospodorze przed wojno, co trzimali z tym Kowacze^ym, to sie żyli bardzo dobrze, bo Kowacz eksportowoł zboże do Niymiec, a przed wojnom za marka to były dwa złote i to ci gospodorze, co z nim trzimali, ^łon im broł zboże, żyto przeważnie, bo to przed wojnom pszenice to musioł mieć dobry grunt, abo dużo nawozu, gnoja, gnoju, to mu się pszenica zdarzyła, teraz na każdym polu urośnie pszenica, bo sie stosuje dużo nawozów, otóż to. Ci, co z nim trzimali, to żyli sie dobrze, bo odbieroł żyto, eksportowoł do Niymiec, no a za jedna mareczka były dwa złote. Do kościoła ^łoba chodzili, te^yn koniom przyjeżdżoli, eleganckim landałery, teraz ki landałer to jest taki pojazd, tag jag choćby samochód oszklony, no ale że go konie ciągły, nie? Tyn Kowacz to był fundatore^ym naszego kościółka, ^łon mioł fajne lasy, grube drzewo mioł w nim i ^łon jeżeli było potrzeba, to on zawsze ofiarowoł drzewo do kościoła.